BREAKING: Tuhi Thantlang Khua A Kaang Cuahmah Rih E (Tuhi Akangh Lio Pi Si Ee)

Thantlang Khua a Kaang Cuahmah Rih, a Tlawm Bik Inn 30-50 kar Hrawng a Kaang Cang

Nizaan sml. 4:30 hrawng ah a kaangmi Thantlang khua mei a mih hnu ah nihin zaanlei sml. 2:00 hrawng ah SAC ralhrang nih mei an khangh tthan, tiah nihin ah Thantlang sining a vung zohtu mino upa pakhat nih The Chin Journal ah a chim.

May be an image of fire and outdoors

“Nihinn zaanlei ah khan Thantlang thil sining zoh cun kan vung kal le a kaang cuahmah rih ko. Chun sml. 2:00 hrawng ah ralkap nih an duah tthan rih. Zahan i a kaangmi a mih hnu ah an duah tthanmi a si,” tiah a chim.

May be an image of fire and outdoors

“Abikin inn a kanghnak hi Seihpyozi sang le Lungtial sang ah a si. BEHS No.2 sianginn pawng le Seihpyozi sang palik len thlanglei cu an kaang dih ti awk si ko. Inn zeizah ngaingai a kangh timi kan thei kho rih lo. A tlawm bik inn 30-50 kar a kaang lai tiah kan ruahdamh,” tiah a chim chap.

May be an image of fire and outdoors

Thantlang innkanghnak felfai tein an zoh khawh rih lo caah inn zeizah ngaingai a kangh timi atu ah cun fehter awk a ttha rih lo.

May be an image of fire and outdoors

Seihpyozi sang i St. Nicolas Catholic Church zong nizaan ah a kaang chih i atu tiang ah Thantlang biakinn 4 an kaang cang.

Credit: The Chin Journal