BREAKING NEWS: The Chinland Post I Chief Editor Salai Bawi Uk Thang Unau Salai Robert An Tlaih

Hi thawngpang hi The Chin Post nih tunai teah a rak tial mi a si. Hi bantuk in kawl ralhrang hna nih zantlai ah tlaihkhih nak an tuah lengmang mi hi cu a poi tuk hringhran ko e.

Chin ramkulh Hakha khuapi hrambunh The Chinland Post i Chief Editor Salai Bawi Uk Thang cu ralkap nih tlaih dingin April 29 zanlei ah an kal hnawh i amah a um lo caah an chungkhat pa Salai Robert cu an tlaih i thaizing ah kan rak thlah than lai tiah a chungle cu an ti hna! Credit: TCP

Relchap: BCM Pastor Area Pali Ah A Um Mi Myanmar Ralzam Hna Bawmhnak An Pek

Mizoram Bapstist Church- BCM nih Myanmar ram buai ruangah a rak zam mi hna cu BCM, AGS-Service Rev. R. Lalbiakliana, Project coordinator, Relief &Development in Nu Lalfawnveli, Production Assistant Pu C.Lalengkima hao in Pawngpui ‘S’, Phawngpui ‘N’, Thingsai le Cherhlun Area hna tlawn pah in bawmhnak  an pek.

Covid-19 zawtnak a um lio a si caah ralzam hna hi an umnak hmun tiang kal lo in an Area pastor le hruaitu kut ah thlacamnak he pek a si.

BCM news nih a tarlangh ningah Phawngpi ‘S’ Area ahhin ralzam chungkhar 48 le minung 695 an um i bawmhnak rupees 15000 pek a si.

Phawngpi ‘N’ Area ah a umlio mi miung 656 caah bawmhnak 20000 le Thingsai Area ah ralzam 185 an um i bawmhnak tangka 2000, Cherhlun Area ah a ummi chungkhar 22, minung 96 caah bawmhnak tangka 21760 pek a si tiah theih a si.

Mah BCM pastor Area 4 ah ralzam um zat hi mi 1632 a si i, bawmhnak tangka an pek mi hi India tangka in Rs.76,760 a si. Credit: TCP