Breaking: March 25 Ah Kawl Ralhrang Nih Hakha Ah An Rak Tlaih Mi Pu Kam Lo A Luat Cang

Pu Kam Lo cu March 25 lio ah khan Hakha khuachung ah Kawl ralhrang nih hramhram in uknak an lak mi cu duhlo nak langhter in a rak au ve mi a si. Cu lio ah cun palik le ralhrang nih an rak tlaih mi a si I tuchun ah khan a chuak cang tiah The Chin Post nih an rak tial hi a si.

May be an image of 1 person, child, sitting, indoor and text that says "Pu Kam Lo"

Ralhrang uknak duh loin lamzawhnak ah a rak i tel ruangah March 25 ah an rak tlaihmi Vomkua khuami Hakha um Pu Kam Lo (Thang Ding pa), cu June 18, tuzanlei ah thongin a chuak cang. Bawipa nih damnak le nunsaunak pe chin ko seh.

Pu. Kam Lo(70) Atu tiang in a rak hlam lo, Kan lungre a thei tuk! – Thawngpang Dik

Relchap: Yemen Ram Misual 3 Hna Cu Mipi Hmai Lamlai Ah An Thah Hna. Yemen ram ah kumtling lo hngakchia a tlaihhrem mi le a that mi Ali al-Naami kum 40, Abdullah Ali al-Mukhali kum 38 le Mohammed Arman kum 33 hna cu June 16 ah khan mipi hmai lamlai ah an chuahpi hna i an thah hna.

May be an image of 8 people, people standing and outdoors

An thah mi hna lakah Abdullah Ali al-Mukhali le Mohammed Arman hna pahnih hi kum 8 mi hngakchiapa pakhat cu an tlaihhrem hnuah an thah caah thi dingin ti mi a si i. Ali al-Naami hi a nupi he an i sik hnuah a fanu kum 7, kum 12 le kum 14 mi pathum hna cu a nupi leng a chuah kar ah an hngawng a dih hna i tisa um ah an lu hem in a thah hna caah thi dingah ceih mi a si.

May be an image of 1 person, standing and outdoors

An thah mi hna cu angki hring an hruk ter hnuah lam ah an bawhter hna i meithal he an kah mi hna a si. An kah hna hnuah siibawi pahnih nih an thih le thih lo an zohfel hnuah puan sen he an tuam hna i an kal pi hna.

May be an image of 3 people, people standing and outdoors

Daily Mail nih a tial ningah Iran nih a dirpi mi hriamtlaibu pawl nih an thah mi hna a si. Mah bantuk i thahnak hi 2018 hnuah an khuapi Sana’a ah a voi 1 a cang nak a si, an ruak cu zapi hmuh khawh dingin cungah an thlai hna tiah a tial.

May be an image of 1 person, standing and outdoors

Credit: The Chin Post

Leave a Reply

Your email address will not be published. Required fields are marked *