Apoi Tuk Ko E, Hriangkhan Khuami Hna Le Hriangkhan Khuah Ralzaam Pawl Caah Thlacam Bawm Hna Usih

Hriangkhan khuami le ralzaam hna lakah minung 35 sin in COVID-19 zawtnak hmuh a si cang. 2021 September 5 in 25 tiang ah Thantlang peng, Hriangkhan khua ah aa dor mi ralzaam hna le khuami hna chung in minung 35 sing ah COVID-19 zawtnak hmuh a si cang, tiah Thantlang khua Sipin Committee Chairman Pu Ram Khar nih a Facebook ah a tial.

May be an image of tree and cloud

2021 September 5 – 25 tiang ah khuami le ralzaam aa dor mi minung 256 cu COVID-19 zawtnak check an si cang i, cu chung ah minung 35 sin in zawtnak hrik an hmuh. Nu 19 le Pa 16 sin ah hmuh a si.

May be an image of tree and cloud

“Covid -19 Runven nak thilri zong an ngeih lo caah Thantlang in a si khawh chung in thaizing ah kuat khawh kan zuam hna lai. Zuan hnawh a hau mi dirhmun ah an dir,” tiah Pu Ram Khar nih a tial.

May be an image of tree and cloud

Thantlang peng Hriangkhan khua cu chungkhar 132 tluk umnak, minung 711 khuasaknak khua pakhat a si. Thantlang khua ah raldonak a um hnu in ralzaam hna nih i dornak ah hman mi khua pakhat zong a si. Hriangkhan Khua ah Thantlang le Hakha in ralzaam chungkhar 100, milu in 510 an i dor.

May be an image of tree and cloud

2021 September 24 tiang ah hin Hriangkhan khua ah ralzaam le khuami fonh minung 1200 leng kai an um cang ti zong a langhter.

May be an image of tree and cloud

Credit: The Hakha Post

Leave a Reply

Your email address will not be published. Required fields are marked *