Apoi Tuk E, Kalaymyo Covid-19 Mizaw Hna Caah Oxygen An Ngei Ti Hna Lo

Kalaymyo caah Oxygen a rak phur mi mawtaw cu Kalaywah lei mawtaw lam a rawh ruangah an mawtaw a kal kho ti lo i tu hi Kalaymyo Covid-19 mizaw pawl hna cu Oxygen an chanbau ngai hna caah sibawi pawl lungrethei in an um ko hna tiah thawngpang theih a si.

May be an image of one or more people and body of water

Kalaymyo khuami pakhat nih a chim mi cu “Kalaymyo khuachung ah hin Oxygen hi a hartuk hringhran ko cang. Nihin chunnitlak Kalaymyo khuachung ah Oxygen kawl dingin ka vak ko nain pakhat hmanh ka hmu lo. GasPa gas dawr ngeitu nih a ka chimh ning ah cun Oxygen a rak phur mi mawtaw kha Kalaywah mawtaw lam a rawh ruangah a rak phan kho ti lo, lam a that hlan cu mawtaw a rak lut kho rih lai lo” tiah a chim hi a si.

May be an image of outdoors

June 10 ah khan Mungzua leiin Oxygen a rak phurmi mawtaw zong mawtaw lam a thatlo ruangah kalaymyo an rak phan kho lo. Cun Covid-19 mizaw pawl a bawmchan tu hna Volunteer pakhat nih a chim rih mi cu “mawtaw lam a pih dih caah volunteer pawl hna ca zong ah siseh, dawr ngeitu hna pawl ca zongah siseh zeihmanh a rak phan kho ti lo.

Kalaymyo Ah Covid-19 Zawtnak In Minung Pakhat Thi -

Cun a tu hi mizaw zong an karh chin lengmang fawn caah Oxygen a um bak ti lo a si ko cang. Eih Suan center ah cun Oxygen hi a um bang rih ko tiin kan theih ko nain zeizat ngaingai an ngei kho ti lai lo aruang cu hmundang ah a um ti lo caah an fuhpanh cio hna lai” tiah a chim hi a si.

Kalaymyo Covid 19 Hrik Ngei (210) Chung In Minung (143) Siizung In An Chuak Cang - THE CHINLAND POST

Kalaymyo Eih Suan Center ah hin Covid-19 mizaw 100 leng an um hna, asinain mizaw zohkhanh tu staff hi minung 5 hrawng an si caah an harsa ngai tiah thawng kan theih.

Note: Hi thawngpang hi Zalen nih kawl holh in an tial mi a si I Hakha holh in kan tial chin mi a si.

Leave a Reply

Your email address will not be published. Required fields are marked *